Horas - Mejuah-juah - Njuah-juah

Umpasa Batak

Umpasa Ni Batak Laho Marsirang

Pidong sitapitapi, habang diatas hauma
Horas ma hamu na hupaborhat hami
Horas hami na tininggalhonmuna

Dolok ni Panampahan, tondongkon ni Tarabunga
Sai horas ma hamu dipardalanan songoni dung sahat tu inganan muna

Tombak ni Sipinggan di dolok ni Sitapongan
Di dia pe hita tinggal, sai tong ma hita masihaholongan

Eme sitambatua parlinggoman ni siborok
Amanta Debata do silehon tua, sai luhutna ma hita diparorot

Mangerbang bungabunga, ditiur ni mata ni ari
Selamat jalan ma dihamuna, selamat tinggal ma di hami.





Umpasa Batak Mangadopi Natua-Tua
Umpasa Batak sidohonon molo dohot iba mangadopi natua tua na manjalo sipanganon  sian angka anakkonna

Andor halumpang ma togutogu ni lombu dohot togutogu ni horbo laho tu Lapogambiri
Sai saur ma hamu leleng mangolu paihutihut pahompu sahat tu na marnono dohot marnini

Tinpu bulung ni sabi nibutbut pinaspashon
I dope na tarpatupa hami ba i ma jolo tahalashon



Hata sian undangan tu natuatua i: 
Polta bulan i Ama ni Manggule: 
Ro nuaeng angka pomparanmu mamboan sipanganon ba dohot hami mauliate

Tubu ma singkoru di dolok ni Simamora
Sai torop ma anak dohot boru na basa jala sisubut roha

Tubu dingindingin jonok tu simartolu
Horas ma tondi madingin pir tondi matogu
Sai ro ma nipi na uli sai leleng hamu mangolu
Haliangan ni nono dohot nini raphon anak dohot boru




Hata ni undangan tu ianakkon na mamboan sipanganon                                                    Binolus Purbatua laho tu Parsingkaman
Naburju marnatuatua ingkon sai dapotan pandaraman
Laho pe ibana mangula sai na dao ma parmaraan
Sai dapotsa na niluluan sai jumpang na jinalahan




Taringot di sipanganon na binoanmuna tu natuatua i :
Disi do gandina, disi do nang gandona
Disi do daina disi do nang tabona
Sirsir ansimna jala hona dohot asomna

Asa dohonon nami ma :
Bagot na marhalto ma di ladang ni Panggabean
Horas ma hami na manganhon, lam martamba sinadongan di hamu na mangalean

Ia siula tano do hamu ba on ma dohononnami :
Binanga ni Sihombing binongkak ni Purbatua
Tu sanggar ma amporik tu lombang ma satua
Sai sinur ma pinahan gabe na niula

Molo partigatiga do hamu ba on ma dohonon namu :
Tinampul bulung bira bahen saong laho tu ladang
Sai mangomo ma hamu sian tigatiga ba sai maruntung ma sian dagang

Molo tung sipata rugi hamu ba sai dapot nian nidok ni umpasa :
Soban rantingranting soban ni Sijamapolang
Ba molo rugi hamu sian antinganting, ba sai mangomo ma sian golang

Molo pegawai do hamu ba on ma dohonon nami :
Tinapu bulung salaon dongan ni bulung si tulan
Ba sai naek pangkat ma hamu ganup taon, sai tamba gaji tiap bulan

Molo adong di hamu na so hot ripe dope on ma dohonon nami:
Parik ni Lubutua hatubuan ni bulu duri
Na burju marnatuatua sai ingkon dapotan rongkap na uli

Baangkup ni i :
Molo adong disi hulingkuling sai adong ma disi holiholi
Molo adong disi na so muli sai adong do rongkap ni i naso mangoli

Sahatsahat ni solu ma sahat di rondang ni bulan
Sai leleng ma hamu mangolu jala sai dipasupasu Tuhan





Hata Poda Tu Hela dohot Boruna

Hata poda dohot pasupasu sian parboru tu hela dohot boruna
Parasaran ni misang tombak ni panggabean
Sai masiaminaminan ma hamu songon lampak ni pisang
Sai marsintungkultungkolan songon suhat di robean
Aek sihoruhoru di toru ni dolok martimbang
Rap manimbung ma hamu ia tu toru, rap mangangkat ia tu ginjang
Napuran ni Lumbanjulu tu gambir ni Pahae
Rap Mangalangka ma hamu ia tu julu
Rap mangambe ia tu jae

Tu ho Boru hasian dohononhu ma:
Molo ogung na mabola, pintor dipaboa do luhana
Molo parumaen na marroha pintor dibuat do roha simatuana

Sibigo ambaroba rara hulinghulingna
Gabe uli do parrupa na roam asal ma lambok pangkulingna

Angka Umpasa Pasupasu :Tubu ma singkoru di lambung ni tandiang
Sai tibu ma hamu marurat tu toru jala tibu marbulung tu ginjang

Na hinunti hirang marisi gadong sipapua
Badanmuna ma na so sirang sahat tu na saurmatua

Tinampul bulung salak laos hona bulung singkoru
Sai tibu ma hamu paabingabing anak jala tibu mangompa boru

Horbo ni sibuluan manjampal di balian
Sai manumpak ma di hamu Tuhan, Sai tiur nang pansarian

UMPASA NI NAPOSO BULUNG.
(Buat Muda-Mudi)

Jolo tiniktik sanggar laho bahenon huru-huruan,
Jolo sinukkun marga asa binoto partuturan.

Tudia ma luluon da goreng-goreng bahen soban,
Tudia ma luluon da boru Tobing bahen dongan.

Tudia ma luluon da dakka-dakka bahen soban,
Tudia ma luluon da boru Sinaga bahen dongan.

Manuk ni pealangge hotek-hotek laho marpira
Sirang na mar ale-ale, lobianan matean ina.

Silaklak ni dandorung tu dakka ni sila-sila,
Ndang iba jumonok-jonok tu naso oroan niba.

Metmet dope sikkoru da nungga dihandang-handangi,
Metmet dope si boru da nungga ditandang-tandangi.

Torop do bittang di langit, si gara ni api sada do
Torop do si boru nauli, tinodo ni rohakku holoan ho do

Rabba na poso, ndang piga tubuan lata
Hami na poso, ndang piga na umboto hata

UMPASA MANJALO TINTIN MARANGKUP

(Untuk pasangan saat tukar cincin)

Bulung namartampuk, bulung ni simarlasuna,
Nunga hujalo hami tintin marangkup,
Dohonon ma hata pasu-pasuna.

Hot pe jabu i, tong doi margulang-gulang
Sian dia pe mangalap boru bere i, tong doi boru ni Tulang.

Sai tong doi lubang nangpe dihukkupi rere,
Sai tong doi boru ni Tulang, manang boru ni ise pei dialap bere.

Amak do rere, dakka do dupang,
Anak do bere, Amang do Tulang.

Asing do huta Hullang, asing muse do huta Gunung Tua,
Asing do molo tulang, asing muse do molo gabe dung simatua.

UMPASA TU NA BARU MARBAGAS

(Untuk pasangan yang baru menikah)

Dakka ni arirang, peak di tonga onan,
Badan muna naso jadi sirang, tondi mu marsigomgoman.

Giring-giring ma tu gosta-gosta, tu boras ni sikkoru,
Sai tibu ma hamu mangiring-iring, huhut mangompa-ompa anak dohot boru.

Rimbur ni Pakkat tu rimbur ni Hotang,
Sai tudia pe hamu mangalakka, sai tusima hamu dapot pansamotan.

Dekke ni sale-sale, dengke ni Simamora,
Tamba ni nagabe, sai tibu ma hamu mamora.

Sahat-sahat ni solu, sahat ma tu labuan,
Sahat ma hamu leleng mangolu, jala sai di dongani Tuhan.

Sahat solu, sahat di parbinsar ni ari,
Leleng ma hamu mangolu jala di iring-iring Tuhan ganup ari.

Mangula ma pangula, dipasae duhut-duhut
Molo burju marhula-hula, dipadao mara marsundut-sundut.

Ruma ijuk tu ruma gorga,
Sai tubu ma anakmuna na bisuk dohot borumuna na lambok marroha.

Anian ma pagabe tumundalhon sitodoan,
Arimu ma gabe molo marsipaolo-oloan.

Gadu-gadu ni Silindung, tu gadu-gadu ni Sipoholon,
Sai tubu ma anakmuna 17 dohot borumuna 16.

Andor hadukka ma patogu-togu lombu,
Sai sarimatua ma hamu sahat tu na patogu-togu pahoppu.

UMPASA MANGAMPU

Bulung ni Taen tu bulung ni Tulan
Ba molo tarbahen, sai topot hamu hami sahali sabulan,
Molo so boi bulung ni tulan, pinomat bulung ni salaon,
Ba molo so boi sahali sabulan, pinomat sahali sataon.

Ni durung si Tuma laos dapot Pora-pora.
Molo mamasu-masu hula-hula mangido sian Tuhan,
Napogos hian iba, boi do gabe mamora.

Songgop si Ruba-ruba tu dakka ni Hapadan,
Angka pasu-pasu na ni lehon muna,
Sai dijangkon tondi ma dohot badan.

Mardakka Jabi-jabi, marbulung ia si Tulan
Angka pasu-pasu na pinasahat muna,
Sai sude mai dipasaut Tuhan.

Naung sampulu sada, jumadi sampulu tolu,
Angka pasu-pasu pinasahat muna,
Sai anggiatma padenggan ngolu-ngolu.

Naung sapulu pitu, jumadi sapulu ualu,
Angka pasu-pasu pinasat muna hula-hula nami,
Diampu hami ma di tonga jabu.

Turtu ninna anduhur, tio ninna lote,
Angka pasu-pasu pinasahat muna,
Sai unang ma muba, unang mose.

Habang pidong sibigo, paihut-ihut bulan,
Saluhut angka na tapangido, sai tibu ma dipasaut Tuhan.

Obuk do jambulan, nidandan ni boru Samara
Pasu-pasu na mardongan tangiang sian hula-hula,
Mambahen marsundut-sundut soada mara.

Tinapu bulung nisabi, baen lompan ni pangula
Sahat ma pasu-pasu na nilehon muna i tu hami,
Sai horas ma nang hamu hula-hula.

Suman tu aek natio do hamu, riong-riong di pinggan pasu,
Hula-hula nabasa do hamu, na girgir mamasu-masu.


Ende Rohani Trio Lamtama Marsada Band Arvindo Simatupang Charles Simbolon Trio Nirwana Dewi Marpaung Rani Simbolon Maryani Simbolon Perdana Trio Trio Elexis Victor Hutabarat Golden Voice Marlen Manroe Trio Santana Trio Satahi Paniel Panjaitan Dompak Sinaga Ericks Sihotang Trio Lasidos Jhon Eliaman Saragih Lae2Rock Trio Andesta Trio Simenstar Jack Marpaung Rita Butar Butar Viky Sianipar Arghana Trio Bulan Panjaitan Century Trio Franky Sihombing Simatupang Sister 75Hot Aura Trio Dipo Pardede Ganesha Trio Nainggolan Sister Oasis Trio Permata Trio Tongam Sirait Agian Trio Alex Rudiart Hutajulu Amonk Band Aristo Trio Buku Ende Eddy Silitonga Exensi Trio Herman Delago Manik Interna Trio Lineker Situmorang Margaret Siagian Nixon Simanjuntak Simbolon Kid's Trio Simorangkir Axido Trio D'Abbar Trio Elton Panggabean House Musik Batak Joel Simorangkir Jonar Situmorang Joy Tobing Judika Sihotang Mr Ginting Pernados Trio Retta Sitorus Trio Maduma Trio Simpatique Amsisi Trio Awenz Bonauli Band Delima Trio Dewi Guna Edo Kondologit Gondang Gorga Trio Gulamo Ikka Hutagalung Jhonny S. Manurung Julius Sitanggang Kristina Silalahi Lagona Trio Melody Sister Putri Silitonga Rafael Sitorus Riancy Marbun Simbolon Sister Sinari Trio Style Voice Tigor Wong Trio Mangaloksa Trio Vande Vico Pangaribuan Yanci Sinaga 3 Gembala Amigos Trio Anggara Trio Argon Trio BBM Badragaz Trio Brother B Bunthora Ft Jhonny Caca Manalu Dakka Hutagalung Dewi Triyanti Simanjuntak Don Kinol Duet Sa'Ama Duo AS Eddys Sihombing Elfa's Singers Elita Tobing Enjoy's Trio Ervina Simarmata Exalom Band Fendi Manurung Herty Sitorus Hosana Singers Jamrud La'Hobas Trio Lagu Natal Larisma Trio Las Trio LasBoy Trio Lavas Group Love Heart Trio Mandailing Mandiri Trio Manurung Sister Marados Trio Martha Hutagaol Mezi Nadapdap NEO Opera Batak New Mora Trio Nikita Nova Sondakh Nurafni Octavia Ocean Voice Pasimah Trio Persada Trio Polado Trio Posther Sihotang Romyana Sihotang Ronni Sianturi Sadama Trio Sandos Trio Sary Simorangkir Sheilla Marcella Simarmata Bersaudara Sinaga Sister Tielman Sisters Torasi Trio Totama Trio Trio Romansa Trio Gabetama Trio Relasi Ulidos Trio Verisa Trio Yohanna Nainggolan